Enfin un pauc de relambi !!

Putan vos disi pas coma soi contenta d'èstre en vacanças, ne podiái pas pus ! E òc aquela setmana de parcials me crebèt ! Tot lo trabalh te tomba dessus d'un còp ! Totes los parcials son al meteis temps, te cal revisar un pauc abans, far de fichas mas subretot pensar a agachar que los parcials de Letras e d'Occitan se tròban pas lo meteis jorn a la meteissa ora !!!
Es una granda organizacion tot aquò ! ^^
En mai d'aquò sabi pas perque mas tròbi totjorn que lo primièr periòde d'exams es mai dificil que lo segond ... Es una causa que m'expliqui pas, es verai soi totjorn crebada a la fin dels parcials del primièr semestre, talament que me devi drogar amb de Guronsan, alara qu'a cada còp lo segond semestre se passa fòrça melhor : ai pas besonh de prendre lo Guronsan, ai l'impression d'èstre mai organizada ... En fach sabi pas cossí explicar aquò, benlèu que soi "una filha d'abril" coma o ditz Laurent Voulzy e qu'aimi mai trabalhar los parcials quora fa un polit temps puslèu que quora fa un temps de mèrda coma uèi !! ^^

Ara que tot aquò es acabat vau profiechar de las vacanças !!!! Enfin bon soi obligada de trabalhar a la fornariá perque pendent las fèstas de Nadal es pas possible d'aver de vacanças...
Espèri qu'aurai mos parcials per poder anar a Barcelona veire mon amiga qu'es partida en Erasmus aquesta annada :)

Vos daissi amb Laurent Voulzy e sa "filha d'abril " ^^