Cocoon

Dijòus passat anèri veire lo concèrt de Cocoon a Montpelhièr amb una collèga. Cal dire que lo concèrt èra a 20o mas coma coneissiam pas tròp l'endrech decidiguèrem d'i anar un pauc abans e de far l'aperitiu dins la veitura per esperar. Ma collèga aviá pres una botelha de roge e ieu los bescuèches d'aperitiu !
Comencèrem donc de far l'aperitiu, èra fòrça plan perque fasiá un brave moment qu'aviái pas vista ma colèga :)
La jòia èra talament granda qu'a un moment la botelha de roge se deversèt dins la veitura, sus las cauçaduras blancas de ma colèga e sus mon sac, vos disi pas coma pudissiá dins la veitura !!! Un moment aprèp, anèrem far la coa per dintrar, bon cal dire que coneissi benlèu tres musicas de Cocoon donc me sentissiái un pauc cona a costat de las "fans de basa". Sabiái quitament pas las tèstas dels cantaires, es vos dire !!! Bon me diguèri qu'èra pas grèu perque ma colèga ela coneissiá !! Abans lo grop Cocoon i aviá una primièra partida : Kids with no eyes, un bon tipe que cantava fòrça plan. Pendant qu'aquel tipe cantava m'avisèri que dabans ieu i aviá doas filhas  qu'arrèstavan pas de dire de conariás e de rire !
Quora Cocoon arribèt les doas venguèron completament calugas, cridavan, sautavan, un vertadièr espectacle per ieu ^^ Bon de segur cal dire que lo cantaire de Cocoon es francament polit :)

Los cantaires cantavan per dintrar sus la scèna, puèi s'arrestèron per se presentar, enfin charrèron entre eles.... E a un moment i aguèt un pichòt blanc e mas doas "fans de basa" s'agachèron e cridèron "Marc on t'aiiiiiiime " (Marc es lo cantaire !) Alara tot lo mond se metèt a rire e las doas èran fòrça contentas d'elas e cridèron "C'est nous! C'est nous !!" totas contentas. Me faguèron petar de rire!!

Mas lo melhor arriba : un moment aprèp n'i a una que diguèt a l'autra :
- "Ai set, vòls pas anar quèrre de bièras ? "
- "Oc ! Oc ! I vau, dona-me l'argent"
Lo problèma èra que la filha aviá pas qu'un chèc mas bon decidiguèron de tentar la causa... Un moment aprèp la filha tornèt amb doas bièras enòrmas e diguèt a sa colèga : " espèra n'i a doas autras qu'arriban un tipe m'a ajudat perque aviái pas pro de mans !!! " E òc cal saber qu' a Victoire 2 prenon los cheques pas qu'a partir de 20 euròs...
Donc èran totas doas amb un gòt dins cada man coma de colhonas perque podián pas pus siular (òc perque n'i a una que tentava de siular ), picar de las mans.... Bon aprèp i aguèt l'istòria d'anar pissar perque de segur la bièra dona enveja de pissar ^^ N'i a una que s'en va en disent :
-"Reste-là je vais faire pipi hi hi hi !! " 
- "Ok, je garde les sacs "
-"Ouais mais tu sais où sont les toilettes ?? "
Bon coma vegèri qu'èran pas gaire ajudadas lor diguèri ont se trobavan los cagadors ! Lo problèma es qu'es pas aisit de tornar trobar un amic dins la fola, alara vos disi pas la jòia quand se son retrobadas !!!
En fach aquelas doas m'animèron lo concèrt :)

Si que non Cocoon es un grop fòrça plan, son naturals, polits e subretot fan d'umor :) Me regalèri e ma colèga tanben, mercès als cantaires mas tanben a las " fans de basa" !

Vos daissi agachar la foto qu'an facha a la fin del concèrt :) A lèu !