Los pichons mocadors

Vaquí qu'un jorn nos faguèrem escampar del cors de matç perque una còla de baugs voliá blocar la fac. Amb mas doas colègas letras modernistas coma foguèrem fòrça trucadas, decidiguèrem d'anar al cinèma per nos cambiar las idèias. Donc anèrem vèire Los pichons mocadors.

Es un film que m'a fòrça agradat. Es l'istòria d'una còla d'amics que se coneisson dempuèi un moment e avián decidit de passar las vacanças totes ensem. Mas qualques jorns abans de partir n'i a un qu'a un auvari d'escotèr. Sabon pas tròp se van partir o non mas coma l'estat de l'amic accidentat es estable, e ben parton... Pendant las vacanças se passa un molon de pichòtas istòrias, cadun amaga de causas als autres... I a un bon ambient mas tanben una granda tartufariá. A la fin del film aprenon que l'amic accidentat es mòrt e se sentisson pas ufanoses perque an gaireben pas pres de nòvas d'el. Donc tornan totes per anar a l'entèrrament. Es un moment ont son totes apariats emai qualques uns que se foguèron contestats pendant las vacanças. De segur la fin es pas tròp gaujosa  mas i a un grand messatge qu'es transmet : emai quand de vertadièrs amics se carpinhan son totjorn ensems quora un eveniment important se passa. A la fin d'aqueste film, que francament dona la lagrematoneta, pensatz a totes vòstres amics o amigas qu'avètz pas vistes dempuèi un moment, o qu'avètz perdut de vista... e avètz l'enveja de los sonar  per aver de nòvas...

Per acabar dirai qu'es un film que vos conselhi :)