Un vertadièr afiscament :)

Dempuèi que soi pichòta mon paire me rebala de vòtas en vòtas e es donc coma aquò que mon afiscament nasquèt ! Per mon brevet mos paires me crompèron una polida polina qu'aviá a pèna 6 meses. Calguèri esperar 3 annadas avans de ne poder faire, mas bon ara me regali !!

Vaqui que mercès a mos paires e a ma polina pòdi far la causa que m'agrada dempuèi que soi pichòta sobretot aquel estiu quand realisèri un de mos somis ... En efièch aquel estiu pendent la "Féria" de Jacon aguèri l'astre de montar a caval amb la manada Vellas. En fach poguèri far la presentacion a caval amb totes los gardians avans la ferrada, es quicòm que voliái far dempuèi un bon moment perque tròbi qu'es subrebèl...

 Imaginatz vos una linha de cavalièrs arribant al galaup, amb lo Puèg Sant Lop en rèire plan...

(Vaqui per los qu'an pas d'imaginacion ^^ )

Bon e aprèp la ferrada i a l'arribada a l'anciana es a dire que los gardians enquadran los buòus dempuèi la manada fins al vilatge. Aquesta annada pel primièr còp poguèri seguir aquel "cortègi" a caval , e poguèri essèr sus MA cavala quand se joguèt la Coupo Santo e aquò francament lo doblidarai pas !

(Soi a costat del tipe que ten lo fichoira e per tot vos dire es putan de bèl !! )
Adieu totes !