Lo trabalh a la fornariá

Dempuèi lo mes de Mai trabalhi dins la fornariá de mon vilatge, e per dire las causas francament e ben es un trabalh que m'agrada fòrca ! En efièch a la fornariá i a un molon de gens que venon n'i a que son mai agradius que d'autres mas bon cal far amb aquò !! Tròbi qu'es un mejan de conéisser de gens del vilatge e subretot de vièlhs que parlan occitan :) Un jorn i a lo Joan-Luc que venguèt per crompar son pan, quand lo vegèri li diguèri : "Adieu lo Joan Luc, e cossí vas ??" alara lo Joan Luc me respondèt e vaquí que comencèrem de charrar en occitan...  E aquí i a un vièlh qu'arribèt e que diguèt : " Mas parlatz occitan totes dos ? " En fach èra pas talament susprés de veire que lo Joan Luc parlava occitan mas per ieu èra pas la meteissa causa !! Cò que me marquèt es que ieu parlavi en occitan mas lo vièlh me respondiá en francés ... Mas coma ieu voliái parlar la lenga e ben a cada còp que lo vesiái dintrar li disiái "Adieu Mossur B" e coma aquò e ben lo vièlh se daissèt anar e dempuèi me parla occitan ! Donc soi fòrça contenta d'avèr motivat un vièlh a parlar la lenga e çò que m'a lo pus marcat es sa tèsta quand a vist que parlavi occitan, pensi qu'es un imatge que demorarà dins mon cap tota ma vida :)

Sus aquò vos desiri una bona nuèch :)